[Essay] प्राणी संग्रहालय भेट मराठी निबंध । Prani Sangrahalay essay in Marathi

नमस्कार विद्यार्थी मित्रांनो , आपल्या शालेय जिवनातील अविभाज्य घटक म्हणजे निबंधलेखन अनेकदा शिक्षक आपल्याला नवनविन विषयांवर निबंध लिहायला सांगतात. अशा नवनविन विषयांवर कल्पनांचे अन्वेषण व्हावे व विद्यार्थ्यांची मदत व्हावी या हेतूने आम्ही नियमित नवीन निबंध घेऊन येत असतो. तर आज आपण बघणार आहोत प्राणी संग्रहालय भेट मराठी निबंध

प्राणी संग्रहालय भेट मराठी निबंध | मी बघितलेला प्राणी संग्रहालय | प्राणी संग्रहालयाला भेट | संग्रहालयाची सहल | Prani Sangrahalay essay in Marathi या विषयावर तुम्ही हा निबंध वापरू शकता.

प्राणी संग्रहालय भेट मराठी निबंध

मागच्या रविवारी मी माझ्या आईबाबांसोबत वीरमाता जिजाबाई प्राणीसंग्रहालय पहायला गेले होते. तिथे मी खूप प्राणी पाहिले. वाघ, सिंह, चित्ता हे सर्व प्राणी पिंजऱ्यात होते. त्यांचे क्रूर चेहरे पाहून क्षणभर भीती वाटली जणुकाही ते म्हणतच आहेत की आम्हाला या पिंजऱ्यातून मोकळे करा, मग पहा आमची ताकद.

पुढे हत्तीलाही साखळदंडाने बांधलेले पाहिले. आपले सुपासारखे कान हलवत हत्ती ऊस चघळताना दिसला. हत्तीच्या पाठीवर एक अंबारी होती त्यांतून मुलांना फेरफटका मारण्याची सोय होती. मी देखील एक फेरी मारुन घेतली. माकडांच्या पिंजऱ्याजवळ विशेष मजा आली. काही माकडे झाडांवर टांगून वेडेवाकडे चाळे करत होती. काहीजण खाजवत तर काहीजण भांडत होती. एक शहाणे माकड आम्ही दिलेले केळ निमुटपणे खात होते.

पाणघोडा थंड पाण्यात बसून उन्हाळयाच्या गर्मीपासून स्वतःचे रक्षण करत होता. एकशिंगी गेंडा आपल्याच मस्तीत हुंदडत होता. निरनिराळ्या रंगांचे आणि प्रकारांचे साप काचेच्या पेटीत बंदिस्त होते. पक्षी पाहताना खूप मजा आली. पोपट, मोर आणि सारस, करकोचे यांचे विविध रंग आणि आकार खूप आवडले. आईस्क्रीमचा स्वाद घेत संध्याकाळी घरी परतलो.

हे नक्की वाचा :

तुम्हाला हा प्राणी संग्रहालय भेट मराठी निबंध कसा वाटला ते कमेंट करून नक्की कळवा. धन्यवाद..!

Leave a comment